ଲେଖା: ଶ୍ରୀକାନ୍ତ ସିଂହ
କଟକ ସହରର ଅନତି ଦୂରରେ ଅନନ୍ୟ ଏକ ଐତିହାସିକ କୀର୍ତ୍ତିରାଜି ହେଉଛି ବାରଶହ ବର୍ଷ ପୁରୁଣା ରାମେଶ୍ୱର ମନ୍ଦିର (Rameswar Temple) l କଟକର କଖଡ଼ି ଛକରୁ ବାମ ପାର୍ଶ୍ୱରେ ପାଞ୍ଚ କି.ମି. ଦୂରରେ ନୂଆସାଶନ ଗ୍ରାମରେ ଏହି ମନ୍ଦିରର ଅବସ୍ଥିତି l
ପତ୍ନତାତ୍ତ୍ୱିକ ଦୃଷ୍ଟିକୋଣରୁ ଏହି ମନ୍ଦିରଟି ଅନେକ ଗୁରୁତ୍ୱ ବହନ କରେ ସ୍ଥାନୀୟ ପୂଜାରୀଙ୍କ କହିବାନୁସାରେ ଏହି ମନ୍ଦିରଟି କେଶରୀ ବଂଶୀୟ ଶାସକଙ୍କ ଦ୍ୱାରା ନିର୍ମାଣ କରାଯାଇଥିଲା ମାତ୍ର ପରବର୍ତ୍ତୀ ସମୟରେ ଅନ୍ୟାନ୍ୟ ମନ୍ଦିର ପରି ଏହି ରାମେଶ୍ୱର ମନ୍ଦିର ମଧ୍ୟ କଳାପାହାଡ଼ର ଵିଧ୍ଵଂସର ଶିକାର ହୋଇଥିଲା l ଏହାର ମୁଖ୍ୟ ମନ୍ଦିର, ଜଗମୋହନ, ନାଟମଣ୍ଡପ ତଥା ମନ୍ଦିର ସଂଲଗ୍ନ ପାର୍ଶ୍ଵ ଦେବବେବୀଙ୍କ ମନ୍ଦିର ବି ଧ୍ବଂସ କରାଯାଇଥିଲା l
ସୁଖର କଥା ୨୦୦୪ ମସିହାରେ ଓଡ଼ିଶା ସରକାର ତଥା ଓଡ଼ିଶା ପତ୍ନତତ୍ତ୍ୱ ବିଭାଗର ଉଦ୍ୟମ କ୍ରମେ ପୁରାତନ ଅବଶେଷ ବା ପିଣ୍ଡି ଉପରେ ବର୍ତ୍ତମାନର ରାମେଶ୍ୱର ମନ୍ଦିର ପୁନଃ ନିର୍ମାଣ କରା ଯାଇଛି l ଜଗମୋହନଟିକୁ ମଧ୍ୟ ନୂତନ ଭାବରେ ନିର୍ମାଣ କରାଯାଇଥିବା ଜଣାଯାଏ l ସେ ଦୃଷ୍ଟିରୁ ଉଭୟ ସରକାର ଓ ପତ୍ନତତ୍ତ୍ୱ ବିଭାଗକୁ ଅଶେଷ ସାଧୁବାଦ l
ବର୍ଷର ଯେ କୌଣସି ସମୟରେ, ଲୋକଲୋଚନର ବହୁ ଦୂରରେ ଥିବା ଓଡ଼ିଶା ସ୍ଥାପତ୍ୟ କଳାର ଅନନ୍ୟ ମୁକସାକ୍ଷୀ ଏହି ପ୍ରାଚୀନ ଶୈବପୀଠ ରାମେଶ୍ୱର ମନ୍ଦିର ଭ୍ରମଣରେ ଯାଇ ଦିଅଁ ଦର୍ଶନ କରିହେବ ।
ଏହି ମନ୍ଦିରର ଅଳ୍ପ ଦୂରରେ ମହାନଦୀ କୋଳକୁ ଲାଗି ଗ୍ରାମେଶ୍ବର ନାମରେ ଆଉ ଏକ ପ୍ରାଚୀନ ଶିବ ମନ୍ଦିର ବି ରହିଛି l ଏହି ମନ୍ଦିରର ମଧ୍ୟ ପୁରାତନ ପିଣ୍ଡି ଉପରେ ବର୍ତ୍ତମାନର ମନ୍ଦିର ନିର୍ମାଣ କରାଯାଇଥିବା ଦୃଷ୍ଟିଗୋଚର ହୁଏ l
ସେହି ରାସ୍ତାରେ ଆଉ କିଛି ଦୂର ଗଲେ ପ୍ରାଚୀନ ସର୍ପେଶ୍ୱର ମନ୍ଦିର ବି ଦେଖିପାରିବେ l
~ ନୟାଗଡ଼ର ମା' ମଙ୍ଗଳା ~ ଉପସ୍ଥାପନା: ପ୍ରଶାନ୍ତ କୁମାର ଦାସ ଓଡ଼ିଶା ପ୍ରସିଦ୍ଧ କାକଟପୁର ଅଧିଷ୍ଠାତ୍ରୀ ଦେବୀ ମା'…
ନୟାଗଡ଼ ପ୍ରଜାମଣ୍ଡଳ ଆନ୍ଦୋଳନ ଉପସ୍ଥାପନା: ପ୍ରଶାନ୍ତ କୁମାର ଦାସ ନୟାଗଡ଼ ପ୍ରଜାମଣ୍ଡଳ ଆନ୍ଦୋଳନର କଥା ଉଠିଲେ ସାଧାରଣତଃ ଆମ ମନରେ…
~ ନୟାଗଡ଼ର ମା' ଦକ୍ଷିଣକାଳୀ ~ ଉପସ୍ଥାପନା: ପ୍ରଶାନ୍ତ କୁମାର ଦାସ କାହିଁ କେଉଁ ଆଦି ଅନାଦି କାଳରୁ ଏହି…
~ ନୟାଗଡ଼ର ରାମଲୀଳା ପରମ୍ପରା ~ ଉପସ୍ଥାପନା: ପ୍ରଶାନ୍ତ କୁମାର ଦାସ ଓଡ଼ିଶାର ମଠସଂସ୍କୃତି ଅନୁସାରେ ମଠମାନଙ୍କର ଆରାଧ୍ୟ ଦେବତା ସାଧାରଣତଃ…
ଖଣ୍ଡପଡ଼ା ଗଡ଼ ଉପସ୍ଥାପନା: ପ୍ରଶାନ୍ତ କୁମାର ଦାସ ତତ୍କାଳୀନ ରାଜାରାଜୁଡ଼ା ସମୟରେ ଓଡ଼ିଶାର ଗଡଜାତ ରାଜ୍ୟଗୁଡ଼ିକ ନିଜ ନିଜ ରାଜ୍ୟ…