SriGanesh (ଶ୍ରୀଗଣେଶ) in Kalingan Temple Sculpture

ଲେଖା: ଶ୍ରୀକାନ୍ତ ସିଂହ

~ କଳିଙ୍ଗ ସ୍ଥାପତ୍ୟରେ ଶ୍ରୀଗଣେଶ ~

‘ଯୋଗେଣ ଯୋଗେଶ୍ଵର ସଦାନନ୍ଦର ତନୟେ,

ମନ ଚଇତନ ୟେକତ୍ଵ କଲୁ ଅଜପା ଯୋଗ ଲୟେ ।

ବିସ୍ତାର ଉଦରେ ଯାହାର ଗ୍ୟାନ ସଚ୍ଚା,

ପୃଥୁଳ ଶରୀର ନାଥ ଅଭୟେ କାଳ ବଞ୍ଚା ।

ଶିଖିପୃଚ୍ଛ ମଉଳି ବତିଶ ଗୁଣେ କଳା,

ଭର ହରଷ ନାଥ ନୃତ୍ଯ ରଙ୍ଗେଣ ଭୋଳା ।’

(ଆଦିପର୍ବ, ସାରଳା ମହାଭାରତ)

ଅଗ୍ରପୂଜ୍ୟ ଶ୍ରୀଗଣେଶ ମହାପ୍ରଭୁଙ୍କ ପୂଜାକୁ ନେଇ ସମଗ୍ର ପୁରପଲ୍ଲୀ ଚଳଚଞ୍ଚଳ ଓ ଉତ୍ସବ ମୁଖର ହୋଇଯାଏ l କେବଳ ଆମ ରାଜ୍ୟ ଓଡ଼ିଶା କାହିଁକି ସମଗ୍ର ଭାରତ ବର୍ଷରେ ଅନେକ ଉତ୍ସାହ, ଉଦ୍ଦୀପନା ଓ ଆନନ୍ଦର ସହିତ ଶ୍ରୀଗଣେଶଙ୍କ ଆରାଧନା କରାଯାଇଥାଏ l

ଓଡ଼ିଶାର ବିଭିନ୍ନ ଅଞ୍ଚଳରେ ଥିବା ଶତାବ୍ଦୀ ପୁରାତନ ମନ୍ଦିର ଗାତ୍ର ମାନଙ୍କରେ ଶ୍ରୀଗଣେଶ ମହାପ୍ରଭୁଙ୍କ ବିଭିନ୍ନ ରୂପ ଓ ଭଙ୍ଗୀର ପ୍ରତିମା ମାନ ଦେଖିବାକୁ ମିଳିଥାଏ ଯାହାକି କଳିଙ୍ଗ ବାସ୍ତୁକଳାର ଶ୍ରେଷ୍ଠ ନମୁନା କହିଲେ ଅତ୍ୟୁକ୍ତି ହେବ ନାହିଁ l

କଳିଙ୍ଗ ସ୍ଥାପତ୍ୟ ଶୈଳୀରେ ନିର୍ମିତ ବିଘ୍ନରାଜଙ୍କ କେତୋଟି ଶ୍ରେଷ୍ଠ ପ୍ରତିମାର ଛବି ଏଠାରେ ସ୍ଥାନିତ କରିଛୁ l ଚିତ୍ରମାନଙ୍କରେ ଓଡ଼ିଶାର ଗାଣପତ୍ୟ ଗୌରବର ପ୍ରତିବିମ୍ବ:

(କଟକ ବୁଢ଼ୀ ଠାକୁରାଣୀ କାଳୀ ଗଳିରେ ଥିବା ମରହଟ୍ଟା ସମୟରେ ନିର୍ମିତ ଗଣେଶ ମନ୍ଦିରରେ

ପୂଜା ପାଉଥିବା ଶ୍ରୀସିଦ୍ଧିବିନାୟକ l ଏହି ପ୍ରତିମାଟି କଳିଙ୍ଗ ସ୍ଥାପତ୍ୟ ଶୈଳୀର ନିର୍ମାଣ ନୁହେଁ,

ଏହା ମହାରାଷ୍ଟ୍ର ରାଜ୍ୟରୁ ଅଣା ଯାଇଥିବା ଅନୁମାନ କରାଯାଏ)

(ଶ୍ରୀ ଗଣେଶଙ୍କ କମନୀୟ ପ୍ରତିମା,

ଶ୍ରୀ ବୀରଭଦ୍ରେଶ୍ୱର ମନ୍ଦିର, ମାହାଙ୍ଗା ବ୍ଲକ, ଜିଲ୍ଲା କଟକ)

(ଶ୍ରୀ ସିଦ୍ଧିବିନାୟକ ପ୍ରତିମା, ବରାହୀ ମନ୍ଦିର,

ଗ୍ରାମ ଚଉରାଶି, ବ୍ଲକ ନିମାପଡ଼ା, କାକଟପୁର ରୋଡ଼ ଜିଲ୍ଲା ପୁରୀ)

(ଶାରଳା ଠାକୁରାଣୀଙ୍କ ଜନ୍ମବେଦୀ ନଣ୍ଡା ଦେଉଳରେ ଥିବା

ପ୍ରାଚୀନ ଶ୍ରୀ ବିନାୟକ ପ୍ରତିମା, ଜିଲ୍ଲା ଜଗତସିଂହପୁର)

(ଶ୍ରୀଗଣେଶ ପ୍ରତିମା, ମାଣିକେଶ୍ବର ମନ୍ଦିର,

ଗ୍ରାମ ଶୁକ୍ଳେଶ୍ୱର, ମାହାଙ୍ଗା ବ୍ଲକ, ଜିଲ୍ଲା କଟକ)

(ଅଷ୍ଟଭୁଜ ଶ୍ରୀଗଣେଶ ପ୍ରତିମା, ଗତେଶ୍ୱର ମହାଦେବ ମନ୍ଦିର,

ଗ୍ରାମ ଅଲଗୁମ, ସତ୍ୟବାଦୀ ବ୍ଲକ, ଜିଲ୍ଲା ପୁରୀ)

(ନୃସିଂହନାଥ ମନ୍ଦିର ବରଗଡ଼, ମନ୍ଦିର ପ୍ରବେଶ ପଥର ଦକ୍ଷିଣ ପାର୍ଶ୍ଵରେ

ପାଷାଣରେ ଖୋଦିତ ଅଷ୍ଟଭୁଜ ଗଣେଶ, ଏହି ମନ୍ଦିର ଓ ପ୍ରତିମା

ଅଷ୍ଟମରୁ ନବମ ଶତାବ୍ଦୀର ହୋଇଥିବା ଅନୁମାନ କରାଯାଏ)

(ନୃସିଂହନାଥ ମନ୍ଦିର ଥିବା ଗନ୍ଧମର୍ଦ୍ଦନ ପାହାଡ଼ରେ ଖୋଦିତ ଚତୁର୍ଭୁଜ ଗଣେଶ ପ୍ରତିମା,

ପାଦଦେଶରେ ଝରଣା ଜଳ ଅହରହ ବହିଯାଉଥାଏ, ଏହି ପ୍ରତିମା ଅଷ୍ଟମରୁ ନବମ ଶତାବ୍ଦୀରେ

ନିର୍ମାଣ ହୋଇଥିବା ଅନୁମାନ କରାଯାଏ)

(ଗ୍ରାମେଶ୍ବର ମହାଦେବ ମନ୍ଦିର, ପଞ୍ଚୁପଲ୍ଲୀ ଠାରେ ଥିବା ଶ୍ରୀଗଣେଶ ପ୍ରତିମା,

ବ୍ଲକ ଏରସମା, ଜିଲ୍ଲା ଜଗତସିଂହପୁର)

(ବହୁ ପ୍ରାଚୀନ ଶ୍ରୀଗଣେଶ ପ୍ରତିମା, ନାଗନାଥେଶ୍ୱର ମହାଦେବ ମନ୍ଦିର,

ଗ୍ରାମ ନାଗେନା, ଯୋରନ୍ଦା ନିକଟ, ଢେଙ୍କାନାଳ ଜିଲ୍ଲା, କୁହାଯାଏ, ଏହି ମନ୍ଦିରଟି

ତିନି ହଜାର ବର୍ଷରୁ ଅଧିକ ପୁରୁଣା, ଦ୍ୱାଦଶ ଜ୍ୟୋତିର୍ଲିଙ୍ଗ ମଧ୍ୟରୁ ଅନ୍ୟତମ)

(ସ୍ଥୁଳକାୟ ଚତୁର୍ଭୁଜ ଗଣେଶ ପ୍ରତିମା, ସିଦ୍ଧେଶ୍ବର ମହାଦେବ ମନ୍ଦିର, ନରାଜ, କଟକ)

(ସଠଳପୁର ସପ୍ତମାତୃକା ମନ୍ଦିର ପରିସରରେ ଥିବା ଶିବମନ୍ଦିର ଗାତ୍ରରେ

ପ୍ରତିଷ୍ଠିତ ବହୁ ପ୍ରାଚୀନ ଶ୍ରୀଗଣେଶ ପ୍ରତିମା ବ୍ଲକ ନାଉଗାଁ, ଜିଲ୍ଲା ଜଗତସିଂହପୁର)

(କଟକ ଗଙ୍ଗାମନ୍ଦିର ସାହି ସ୍ଥିତ ଗଙ୍ଗେଶ୍ୱର ମହାଦେବ ମନ୍ଦିର ଗାତ୍ରରେ ସ୍ଥାପିତ ପ୍ରାଚୀନ ଶ୍ରୀଗଣେଶ ପ୍ରତିମା,
“ଅନ୍ତରଙ୍ଗ କଳିଙ୍ଗ ଐତିହ୍ୟ ଯାତ୍ରା” କାର୍ଯ୍ୟକ୍ରମର ଶୁଭାରମ୍ଭ ୨୦୧୧ ଅଗଷ୍ଟ ୨୯ ତାରିଖରେ ଏହି ମନ୍ଦିର ପ୍ରାଙ୍ଗଣରୁ ହୋଇଥିଲା)