ଦାରିଙ୍ଗିବାଡିର ନାମକରଣ

ଲେଖା: ଡାକ୍ତର କୁମାର ଅରୋଜ୍ୟୋତି

ଆମ “ଦାରିଙ୍ଗିବାଡି”କୁ ଏହାର ସ୍ବର୍ଗୀୟ ପରିବେଶ ତଥା ସୌନ୍ଦର୍ଯ୍ୟ ପାଇଁ “ଓଡ଼ିଶାର କାଶ୍ମୀର” ବୋଲି କୁହାଯାଏ । ଏଠାକାର ତାପମାତ୍ରା ଶୀତ ଦିନରେ ଶୁନ ଡିଗ୍ରୀ ତଳକୁ ମଧ୍ୟ ଖସିଆସେ ଓ ସେତେବେଳେ ଏଠାରେ ତୁଷାରପାତ ମଧ୍ୟ ହୁଏ । ତେବେ ଏପରି ଦାରିଙ୍ଗିବାଡିର ନାମକରଣ କାହିଁକି ହେଲା ତାହା ଅନେକଙ୍କୁ ହୁଏତ ଜଣା ନ ଥିବ । ଆସନ୍ତୁ ସେ ସମ୍ୱନ୍ଧରେ ଜାଣିବା ।

ଏହା ବ୍ରିଟିଶ ଶାସନ ସମୟର କଥା । ସେତେବେଳେ ଏହି ସ୍ଥାନର ଦାୟିତ୍ୱରେ “ଦାରିଙ୍ଗ ସାହେବ” ନାମରେ ଜଣାଶୁଣା ଜନୈକ ବ୍ରିଟିଶ ଅଫିସର ଥିଲେ । ତାଙ୍କରି ନାମ ଅନୁସାରେ କାଳକ୍ରମେ ଦାରିଙ୍ଗିବାଡିର ନାମକରଣ ହୋଇଛି । ଏଠାରେ “ବାଡି” ଶବ୍ଦ ରହିବା ସ୍ଥାନକୁ ବୁଝାଉଛି । ତେବେ କାରଣ ଯାହାହେଉ ନା କାହିଁକି “ଦାରିଙ୍ଗିବାଡି” ଏକ ଦର୍ଶନୀୟ ସ୍ଥାନ ଏବଂ ଏହା ଓଡ଼ିଶାର ଏକ ମନୋରମ ଶୈଳନିବାସ । ଓଡ଼ିଶାର ପର୍ଯ୍ୟଟନକୁ ପ୍ରୋତ୍ସାହିତ କରିବା ପାଇଁ ଆମେ ଭାରତର ଅନ୍ୟାନ୍ୟ ଦର୍ଶନୀୟ ଶୈଳନିବାସ ଗୁଡିକୁ ପରିଭ୍ରମଣ କରିବା ବଦଳରେ “ଦାରିଙ୍ଗିବାଡି”କୁ ପରିଭ୍ରମଣ କଲେ ଆମ ପର୍ଯ୍ୟଟନର ବିକାଶ ହୋଇପାରିବ ତଥା ଆମେ ଏହି ସ୍ଥାନର ଅପରୂପ ସୌନ୍ଦର୍ଯ୍ୟକୁ ମଧ୍ୟ ଉପଭୋଗ କରିପାରିବା । ଧନ୍ୟବାଦ । ଜୟ ଓଡ଼ିଶା !

[ଫୋଟୋ ସୌଜନ୍ୟ: http://halfsamosa.in/where-to-go-this-durga-puja-try-daringbadi/]