ବେଳଥାଉ ଚେତ ବଞ୍ଚୁ ଉତ୍କଳ

ବେଳଥାଉ ଚେତ ବଞ୍ଚୁ ଉତ୍କଳ

ଲେଖା: ସନ୍ତୋଷ ପଟ୍ଟନାୟକ

କବି ସନ୍ତୋଷ ପଟ୍ଟନାୟକ I ଆମ ସମୟର ଜଣେ ଉଦୀୟମାନ କବି, ମାଟି ମା’ର ବନ୍ଦନା ଆଉ ତାଙ୍କରି ମନର ବେଦନା ଉତ୍କଳ ମାଟିକୁ ନେଇ ବେଳଥାଉ ଚେତ ବଞ୍ଚୁ ଉତ୍କଳ କବିତାରେ . .

ଓଡ଼ିଆର ସ୍ପର୍ଦ୍ଧା ପାଇଁ ନିଖୋଜ ସୁଭାଷ
କୁଟ ଖେଦେ ବନ୍ଧା ଏଠି ବିର୍ସାର ବାସ
କୃଷ୍ଣ ଭଞ୍ଜ ଆଜି ଏଠି ଅଖୋଜା ଅଲୋଡ଼ା
ସମୟ ତାଳରେ ଉଡ୍ର ହେଲା ଗଡ଼ଗଡ଼ା ॥

ଗଙ୍ଗାଧର ରଚିଗଲେ ଓଡ଼ିଆ ସାହିତ୍ୟ
ତାଙ୍କରି ଦାୟଦ ଭଣେ କୋଶଳ ପାଣ୍ଡିତ୍ଯ
କିବା ପ୍ରୟୋଜନ କିସ ଏଇ ଆଭିଜାତ୍ୟ !
ତୁଚ୍ଛା ପଣ କାହୁଁ ଅଛି ଆତ୍ମିୟତା ଚିତ୍ତ ॥

ଯାହା ବଳିଦାନେ ସୃଷ୍ଟି ସ୍ବାଭିମାନ ରାଜି
ଜାତୀୟତା ସ୍ତରେ ତାହା କାହିଁ ନାହିଁ ଆଜି
କାହିଁ ବକ୍ସି ଜୟୀ ଆଉ ଚକରା ଓ ବାଜି
କାହିଁପାଇଁ ତାଙ୍କ ଗୁଣ ପାରୁନାହଁ ଭଜି ! ॥

ସିଂହଭୂମି, ଧଳଭୂମି, ଛୋଟନାଗପୁର
ବସ୍ତର, ଶ୍ରୀପୁର ସିରିୟା, ଅମ୍ବିକାପୁର
ଶ୍ରୀକାକୁଲମ୍, ମଞ୍ଜୁଷା ଆଉ ଟିକାଲି
ଭୁଲିଗଲୁ କିବା ଏ ଉତ୍କଳ ଅଙ୍ଗ ବୋଲି ! ॥

ବୋଲକରା କାହିଁ ଆଜି ସାଜୁଛି ଏ ଜାତି
କି’କାରଣେ କାର୍ପଣ୍ୟତା ସାଜୁଅଛି ବାଦି
ଦେଖୁନିକି ଆଖି ତବ ଖଣ୍ଡିତ ଉତ୍କଳ
ବିଭଙ୍ଗ ଅଙ୍ଗକୁ ଘେନି ଜନନୀ ଦୁର୍ବଳ ॥

ସବୁ କଥା ଆଜି ଏଠି ହେଲାଣି ପ୍ରାଞ୍ଜଳ
ଭାବି ଭାବି ମୁଣ୍ଡ ନିତି ହୁଏ ଗୋଳମାଳ
ନିଜ ସ୍ପାର୍ଦ୍ଧା ତେଜି ଆଜି ଉଠ ଭାତୃଗଣ
ବେଳ ଥାଉ ଥାଉ ଚେତ ବଞ୍ଚୁ ଏ’ ଉତ୍କଳ ॥

Santosh Kumar Pattanayak