Physical Address
ଖଟବିନ୍ ସାହି, ବକ୍ସି ବଜାର, କଟକ, ଓଡିଶା
ଲେଖା: ଦେଵ ତ୍ରିପାଠୀ
୧୯୪୩ ମସିହା ଡିସେମ୍ବର ୩୦ ତାରିଖରେ ପୋର୍ଟ ବ୍ଲେୟାର୍ଠାରେ ନେତାଜୀ ସୁଭାଷ ଚନ୍ଦ୍ର ବୋଷ ଭାରତମାଟିରେ ପ୍ରଥମ ତ୍ରିରଙ୍ଗା ପତାକା ଉତ୍ତୋଳନ କରିଥିଲେ।
କିନ୍ତୁ, ବାସ୍ତବରେ ଏ ଘଟଣାର ବହୁପୂର୍ବରୁ ପ୍ରଥମ ଥର ପାଇଁ ତ୍ରିରଙ୍ଗା ପତାକା ଉଡ଼ାଇ ସ୍ବାଧୀନତା ଦିବସ ପାଳନ କରାଯାଇଥିଲା ୧୯୩୦ ମସିହା ଜାନୁଆରୀ ୨୬ ତାରିଖରେ, ସୁଦୂର ଆଣ୍ଡାମାନ ନୁହେଁ, ଆମ ମାଟିରେ, ବୀରଭୂମି କଟକରେ !
ପୂର୍ବବର୍ଷ ଡିସେମ୍ବର ୨୪ ଏବଂ ୩୧ ତାରିଖରେ ଲାହୋରଠାରେ ଏହି ଉତ୍ସବ ପାଳନ ପାଇଁ ଦୁଇ ଦୁଇ ଥର ଯୋଜନା କରିଥିଲେ ମଧ୍ୟ ବ୍ରିଟିଶ ସରକାର ସଫଳ କରାଇ ଦେଇ ନ ଥିଲେ ।
ତେବେ ଏପରି ମହାର୍ଘ ସୁଯୋଗ ଜୁଟିଥିଲା ଆମ ଓଡ଼ିଶା ପାଇଁ, ବ୍ରିଟିଶ ସରକାରଙ୍କ ଶତ ଚେଷ୍ଟା ସତ୍ତ୍ବେ ଦେଶର ପ୍ରଥମ ତ୍ରିରଙ୍ଗା ପତାକା ଉତ୍ତୋଳନ ହୋଇଥିଲା ଆମ ମାଟିରେ !
ଲାହୋର ପାଇଁ ଗାନ୍ଧିଜୀଙ୍କ ଦ୍ଵାରା ପ୍ରସ୍ତୁତ ଚିଠା ଆଧାରରେ ଦେଶବାସୀଙ୍କୁ ଆହ୍ବାନ ଦେଇଥିଲେ ପ୍ରଚଣ୍ଡ ଜାତୀୟତାବାଦୀ ନେତା ଧୂଳିମାଟିର ସନ୍ଥ ଗୋପବନ୍ଧୁ ଚୌଧୁରୀ, ଏଇ ମାଟିରୁ ! ତାଙ୍କ ସହିତ ସ୍ବାଧୀନତା ସଂଗ୍ରାମୀ ରାଜକୃଷ୍ଣ ବୋଷଙ୍କ ଦ୍ଵାରା ହଜାର ହଜାର ଜନତାଙ୍କ ଉପସ୍ଥିତିରେ ହିଁ ଉତ୍ତୋଳିତ ହୋଇଥିଲା !
ସେଇ ଗୌରବମୟ ଇତିହାସର ସ୍ମୃତି ଚାରଣ କରି ଦୀର୍ଘ ୯୦ ବର୍ଷ ଧରି ଜାନୁୟାରୀ ୨୬ ତାରିଖରେ ସାଧାରଣତନ୍ତ୍ର ଦିବସରେ ହିଁ ପାଳିତ ହୋଇଆସୁଛି ସ୍ଵାଧୀନତା ଦିବସ !
ଜୟ କଟକ ।
ବନ୍ଦେ କଳିଙ୍ଗ ମାତା ।
ଜୟ ହିନ୍ଦ୍ ।
