ଲେଖା: ରବୀନ୍ଦ୍ର କୁମାର ରଣା
ନୟାଗଡ ଜିଲ୍ଲା ଖଣ୍ଡପଡ଼ା ବ୍ଲକ୍ ଅନ୍ତର୍ଗତ କୋଶକା ପଞ୍ଚାୟତର ଅଁଳାପଟା ଗ୍ରାମରେ ରହିଛି ନବମ ଶତାବ୍ଦୀର ପ୍ରସିଦ୍ଧ ଯୋଗୀ ଯୋଗିଆଣି ବୌଦ୍ଧପୀଠ ।
ପାହାଡ଼ ଜଙ୍ଗଲ ଘେରା ସୁନ୍ଦର ପ୍ରାକୃତିକ ସୌନ୍ଦର୍ଯ୍ୟପୂର୍ଣ୍ଣ ପରିବେଶରେ ଏହି ବୌଦ୍ଧ ପୀଠଟି ଅବସ୍ଥିତ । ଗୋଟିଏ ଛୋଟିଆ ଆସ୍ଥାନ ଉପରେ ବିଭିନ୍ନ ମୁଦ୍ରାରେ ବସିଥିବା ଭଗବାନ ବୁଦ୍ଧଙ୍କର ଚାରୋଟି ସୁନ୍ଦର ମୂର୍ତ୍ତୀ ଦେଖିବାକୁ ମିଳେ ଏଠାରେ । କଳାମୁଗୁନି ପଥରରେ ଏହି ମୂର୍ତ୍ତିଗୁଡିକ ନିର୍ମିତ । ଗବେଷକମାନଙ୍କ ମତ ଯେ ଏହି ମୂର୍ତ୍ତୀଗୁଡିକ ଅଷ୍ଟମ କିମ୍ବା ନବମ ଶତାବ୍ଦୀର ହୋଇପାରେ । ପ୍ରାୟ ଅଢେଇ ଫୁଟ ଉଚ୍ଚତା ବିଶିଷ୍ଟ ଏହି ମୂର୍ତ୍ତୀଗୁଡିକର ନିମ୍ନ ଭାଗରେ ସୁନ୍ଦର କାରୁକାର୍ଯ୍ୟ ମଧ୍ଯ ଖୋଦିତ ।
କିମ୍ବଦନ୍ତୀ କହେ ପାଣ୍ଡବ ମାନେ ବନବାସ ସମୟରେ ଏହି ଠାରେ ରହିଥିଲେ ଓ ଭୀମ ଆଣ୍ଠୁମାଡ଼ି ଏହି ଝରଣାରୁ ପାଣି ପିଇଥିଲେ । ତେଣୁ ଏଠାରେ ପଥର ଉପରେ ଭୀମଙ୍କ ଆଣ୍ଠୁଚିହ୍ନ ଏବେ ବି ରହିଛି । କେବଳ ଖରା ତିନି ମାସ ଛାଡିଦେଲେ ବର୍ଷର ଅନ୍ୟ ସମୟରେ ଏହି ଝରଣାରେ ପାଣି ଥାଏ ।
ପ୍ରତିବର୍ଷ ଜାନୁଆରୀ ପହିଲାରେ ଏଠାରେ ବୁଦ୍ଧ ମହୋତ୍ସବ ଅନୁଷ୍ଠିତ ହେଉଛି । ଏହି ସମୟରେ ବହୁ ସଂଖ୍ୟାରେ ବୌଦ୍ଧ ସନ୍ୟାସୀ ଓ ପର୍ଯ୍ୟଟକ ଏଠାକୁ ଆସିଥାନ୍ତି । କିନ୍ତୁ ବଣଭୋଜି କରିବା ପାଇଁ ଏହି ସ୍ଥାନଟି ସର୍ବୋତ୍କୃଷ୍ଟ । ଯଦି କେହି ଖଣ୍ଡପଡ଼ା ଦେଇ କଣ୍ଟିଲୋ ନୀଳମାଧବଙ୍କ ପୀଠକୁ ଯାଉଛନ୍ତି ତେବେ ଖଣ୍ଡପଡ଼ାର ପ୍ରସିଦ୍ଧ ମୁଣ୍ଡିଆ ହନୁମାନ ପୀଠ ଓ ଏହି ଯୋଗୀ ଯୋଗିଆଣି ବୌଦ୍ଧ ପୀଠକୁ ବୁଲିବାକୁ ଯାଇପାରିବେ । ସହରର କୋଳାହଳଠାରୁ ଦୂରରେ ପାହାଡ଼ ଜଙ୍ଗଲ ଓ ଝରଣାର ମଜା ନେବା ସହିତ ବଣଭୋଜି ବି କରିପାରିବେ ।
ଗବେଷଣା ଓ ଉପସ୍ଥାପନା: ଡ. ବାୟାମନୁ ଚର୍ଚି ଘୁଡ଼ୁକି ଏକ ବାଦ୍ୟ । ପତର ସଉରା ଓ କେଳା ସମ୍ପ୍ରଦାୟର…
ଲେଖା: ନିରଞ୍ଜନ ସାହୁ ~ବାସୁଦେବ ସୁଢ଼ଳଦେବ ~ ଅନେକ ନୃପତି ଅଛନ୍ତି । କିଏ ଉତ୍ତରାଧିକାର ସୂତ୍ରରେ, କିଏ ବାହୁବଳରେ,…
ଲେଖା: ନିରଞ୍ଜନ ସାହୁ ~ ମହିମା ମେଳା ~ ଯାହା ମନେପଡ଼େ ଏମିତିରେ ପ୍ରାୟ ଅନେକ କିଛି ବର୍ଷ ତଳର…
ଲେଖା: ଡ. ଜୟଶ୍ରୀ ନନ୍ଦ ~ ମଣ୍ଡାପିଠା ~ ମଣ୍ଡା ପିଠା ଗୋଲ୍ ଗୋଲ୍, ଚାଲ ଯିବା ଚଣ୍ଡିଖୋଲ। ଲୋକଗୀତଟି…