ଏକାଳ ଆଉ ନୋହେ ସମ୍ଭାଳି

ଉତ୍କଳ ଦୀପିକା ପ୍ରଥମେ ୦୪/୦୮/୧୮୬୬ ମସିହାରେ କଟକ ପ୍ରିଣ୍ଟିଂ କୁମ୍ପାନୀଙ୍କ ଯନ୍ତ୍ରାଳୟରୁ ଆତ୍ମପ୍ରକାଶ କରିଥିଲା । ଏହା ଥିଲା ଓଡ଼ିଶାରେ ଜନଜାଗରଣର ବାର୍ତ୍ତାବହ ଓ ଓଡ଼ିଶାର ପ୍ରଥମ ସାପ୍ତାହିକ ସମ୍ବାଦପତ୍ର । ସବୁ କ୍ଷେତ୍ରରେ ସମ୍ବାଦମାନ ପରିବେଷଣ କରିବା ପାଇଁ ଉତ୍କଳପ୍ରାଣ ଗୌରୀଶଙ୍କର ରାୟଙ୍କ ଚେଷ୍ଟା ଦ୍ଵାରା ଏହି ସମ୍ବାଦପତ୍ର ଏକ ସ୍ବତନ୍ତ୍ର ସ୍ଥାନ ଅଧିକାର କରିଥିଲା ସେ ସମୟରେ । ଶିକ୍ଷା, ରାଜନୀତି, ସଂସ୍କୃତି, ଓଡ଼ିଆ ସାହିତ୍ୟର କଥା, ଓଡ଼ିଆଙ୍କ ରୀତିନୀତି, ଦେଶର ବିଭିନ୍ନ ଖବର, ଓଡ଼ିଶାର ଐତିହ୍ୟ ଦାବି ଇତ୍ୟାଦି ସ୍ଥାନିତ ହେଉଥିଲା ଏହି ସାପ୍ତାହିକ ସମ୍ବାଦପତ୍ରରେ । ସାଂସ୍କୃତିକ ଜୀବନ ସମ୍ବନ୍ଧୀୟ ଦୀର୍ଘ କବିତା ମାନ ଏହାର ପୃଷ୍ଠା ମଣ୍ଡନ କରିଥିଲା ସେ ସମୟରେ ।