ସୌରଭିତ ସୃଷ୍ଟି: କବିଚନ୍ଦ୍ର କାଳୀଚରଣ ପଟ୍ଟନାୟକ
ଆସ ଜୀବନଧନ ମୋର ପଖାଳକଂସା ! କବିଚନ୍ଦ୍ର କାଳୀଚରଣ ପଟ୍ଟନାୟକଙ୍କ ଅମଳିନ ସୃଷ୍ଟି । ଏଇ କବିତାରେ ସଂଗୀତ ସୁଧାକର ବାଳକୃଷ୍ଣ ଦାଶଙ୍କ କଣ୍ଠଦାନ ଏହାକୁ କରିଥିଲା ଆହୁରି ଲୋକପ୍ରିୟ ।
~ ଆସ ଜୀବନଧନ ମୋର ପଖାଳକଂସା ~
ଆସ ଜୀବନ ଧନ, ମୋର ପଖାଳ କଂସା,
ଆସ ଜୀବନ ଧନ,ମୋର ପଖାଳ କଂସା
ଆସ ଜୀବନ ଧନ . .
ସଜନୀରେ ତୋ ବିହୁନେ
ମୋର ବୁଡିଲା ହଂସା
ଆସ ଜୀବନ ଧନ ମୋର ପଖାଳ କଂସା
ଆସ ଜୀବନ ଧନ . .
ବହିଲାଣି ଅନା ସଖି, ଝଞ୍ଜା ପବନ
ଅଠା ମାରିଗଲା ତୁଣ୍ଡ, ଯାଏ ଜୀବନ
ତୋ ବିନେ ପଖାଳ ଗୋ
ଫାଟିଲା କପାଳ ଗୋ
ତୋରାଣି ସାଥିରେ ମିଶି ହର ମୋ ତୃଷା
ଆସ ଜୀବନ ଧନ ମୋର ପଖାଳ କଂସା
ଆସ ଜୀବନ ଧନ . .
ସଂଘା ଠାକୁରାଣୀ ପିତା, ଶୁଖୁଆ ରାଣୀ
ତୋ ଲାଗି ନିଆଁରେ ସତୀ, ଝାସ ଦେଲାଣି
ପିଆଜ ଥରି ଡରେ,
ଛାଲ ଛିଡ଼ାଇ ମରେ
ମରିଚ କହୁଛି ମୋତେ ତୋ ତୁଲେ ମିଶା
ଆସ ଜୀବନ ଧନ ମୋର ପଖାଳ କଂସା
ଆସ ଜୀବନ ଧନ . .
ସଜ ଘୋଳ ଦହି ଆମ୍ବ,ଛେଚା ସହିତେ
ଝୁରି ହେଉଥିବେ ସତେ, ଦେବତା ଯେତେ
ବଡ଼ି ଚଟଣି ଥାଇ
ଗୁମାନେ ରହେ ଚାହିଁ
ଅନା ମନା ଶାଗ କହେ ଚୁଲିରେ ବସା
ଆସ ଜୀବନ ଧନ ମୋର ପଖାଳ କଂସା
ଆସ ଜୀବନ ଧନ . .
ଓଡ଼ିଆ ଜୀବନ ଧୁଆ,ଶାଗ ପଖାଳ
ଜଗନ୍ନାଥ ରସି ଖାଏ, ମନେ ତୁ ଭାଳ
ଚାଖି ନାହିଁ ଯେ ଥରେ,
ଧିକ ତା ଜନମରେ
ମଣିଷ ଯାକରେ ସେ ତ ଅଣପୁରୁଷା
ଆସ ଜୀବନ ଧନ ମୋର ପଖାଳ କଂସା ।
ଉପସ୍ଥାପନା: ବନ୍ଧନ ଦଳେଇ
Spread the love
admin

Recent Posts

ଡ. ଅନ୍ନପୂର୍ଣ୍ଣା ମହାରଣା

~ ଲେଖିକା ଡ. ଅନ୍ନପୂର୍ଣ୍ଣା ମହାରଣା (ଚୁନୁ ଅପା) ~ ଉପସ୍ଥାପନା: ଅନିଲ କୁମାର ପାଣିଗ୍ରାହୀଆବିର୍ଭାବ: ୩ ନଭେମ୍ବର ୧୯୧୭…

1 week ago

କବି ବିନୋଦଚନ୍ଦ୍ର ନାୟକ

~ 'ଗ୍ରାମପଥ'ର ବିଦଗ୍ଧ ପଥିକ କବି ଡ. ବିନୋଦଚନ୍ଦ୍ର ନାୟକ ~ ଉପସ୍ଥାପନା: ଅନିଲ କୁମାର ପାଣିଗ୍ରାହୀ ଆବିର୍ଭାବ :…

1 week ago

ତିଗିରିଆ ଗଡ଼ଜାତର ଉତ୍ପତ୍ତି ଓ ଇତିହାସ

ତିଗିରିଆ ଗଡ଼ଜାତର ଉତ୍ପତ୍ତି ଓ ଇତିହାସ ଉପସ୍ଥାପନା: ପ୍ରଶାନ୍ତ କୁମାର ଦାସ ଓଡ଼ିଶାର ଗଡ଼ଜାତ ରାଜ୍ୟଗୁଡ଼ିକ ମଧ୍ୟରେ ତିଗିରିଆ ଗଡ଼ଜାତର…

1 week ago

ଆଠଗଡ଼ପାଟଣା ଇତିହାସ

~ ଭୋଗବିଳାସ, ବିଶ୍ୱାସଘାତକତାରେ ରାଜ୍ୟ ହରାଇଥିବା ଏକ ରାଜାଙ୍କ କରୁଣ ଇତିହାସ ~ ଉପସ୍ଥାପନା: ପ୍ରଶାନ୍ତ କୁମାର ଦାସ ନୟାଗଡ଼…

2 weeks ago

ନୟାଗଡ଼ର ମା’ ମଙ୍ଗଳା

~ ନୟାଗଡ଼ର ମା' ମଙ୍ଗଳା ~ ଉପସ୍ଥାପନା: ପ୍ରଶାନ୍ତ କୁମାର ଦାସ ଓଡ଼ିଶା ପ୍ରସିଦ୍ଧ କାକଟପୁର ଅଧିଷ୍ଠାତ୍ରୀ ଦେବୀ ମା'…

2 months ago

ନୟାଗଡ଼ ପ୍ରଜାମଣ୍ଡଳ ଆନ୍ଦୋଳନ

ନୟାଗଡ଼ ପ୍ରଜାମଣ୍ଡଳ ଆନ୍ଦୋଳନ ଉପସ୍ଥାପନା: ପ୍ରଶାନ୍ତ କୁମାର ଦାସ ନୟାଗଡ଼ ପ୍ରଜାମଣ୍ଡଳ ଆନ୍ଦୋଳନର କଥା ଉଠିଲେ ସାଧାରଣତଃ ଆମ ମନରେ…

2 months ago