ଅକୁହା କଥା

ସୌରଭିତ ସୃଷ୍ଟି: ସନ୍ତୋଷ ପଟ୍ଟନାୟକ

କବି ସନ୍ତୋଷ ପଟ୍ଟନାୟକ I ଆମ ସମୟର ଜଣେ ଉଦୀୟମାନ କବି, ତାଙ୍କରି ମନର ବେଦନା ଉତ୍କଳ ମାଟିକୁ ନେଇ ଅକୁହା କଥା କବିତାରେ . .

କା’ ଆଗେ କହିବି ଅକୁହା ବେଦନା
କିଏ ବା ଶୁଣିବ ଏବେ
ମାତୃଭୂମି ଆଉ ମାତୃଭାଷା ପାଇଁ
କବି ଗାଉନାହିଁ ପଦେ . . . ୦
ମାଳ ମାଳ ଏଠି ସାହିତ୍ୟ ସଂସଦ
ମାଳ ମାଳ ମାନପତ୍ର
ମନ କଥା ଖାଲି ମନରେ ମାରୁଚି
ଦେଖୁଚି ଅନେକ ଛିଦ୍ର . . . ୧

ଜୀବନ ଯୌବନ ଆଶାର ଆଲୋକ
ମାତୃଭାଷା ମୂଳ ଭିତ୍ତି
ମାତୃଭୂମି ନେଇ ପରିଚୟ ଗଢ଼ା
କାହିଁ ସ୍ବାଭିମାନୀ ରୀତି ……!
ବାଜି, ବିର୍ସା, ବକ୍ସି ଚକରା ସାମର୍ଥ୍ୟେ
ଗଢ଼ା ପରା ଏଇ ରକ୍ତ
କି’କାରଣେ ଆଜି ନାହିଁ ସେଇ ସ୍ଥିତି
ପଡ଼ିଛ ହୋଇଣ ସୁପ୍ତ . . .୩

ଉଠ …. ଉଠ…. ଉଠ ନିଦ୍ରା ତେଜି ଜାଗ
ବେଳ ଏବେ ଉପଗତ
ଜଳ ସ୍ଥଳ ସହ ଆପଣା କୃତୀକୁ
ପଡ଼ୋଶୀ କରେ ଚଞ୍ଚକ . . . ୪
ମାତୃଭୂମି ପରା ଧରିଛି କୋଳେଇ
ମମତା ଆଧାର ଧରି
ଦେହର ଭାରକୁ ବହନ କରିଛି
ଆକାଶକୁ ମୁଖ କରି . . . ୫

ଗଭୀର ଜଳରେ ଜୀବନ ସତ୍ତାକୁ
ଦେଇଛି ଭେଟି ଜଗତେ
ଘନ ପରବତ ଜଙ୍ଗଲ ଓ ଖଣି
ରଖିଛି ଯତନେ କେତେ . . . ୬

ଯା’ର ଗଉରବେ ପ୍ରଭାତ ଝଟକେ
ବିଧାତା ଆସନ୍ତି ଧରେ,
ଯା’ ପାଣି ପବନ ସ୍ମୃତିରେ ଏ ଦେହେ
ପ୍ରାଣରୁ ପ୍ରାଣ ସଞ୍ଚରେ . . . ୭

ସେହି ପରା ଆଜି ଗୁମୁରି କାନ୍ଦୁଛି
କାହିଁ ଗଲ ସୁତା-ସୁତ
କ୍ଷତାକ୍ତ ଅଙ୍ଗୁ ତା’ ରୁଧିର ଝରୁଛି
ନିରିଖେଇ ଟିକେ ଦେଖ . . . ୮
କର କରତବ୍ୟ ତେଜି ସର୍ବ ଗର୍ବ
ତୋଳ ଜାତୀୟତା ରବି
ଖେଳୁ ଶୀହରଣ ଥରୁ ଶତ୍ରୁ ପ୍ରାଣ
ବଦଳୁ ସାମ୍ଭାବ୍ଯ ଛବି . . . ୯

ସମର୍ପିତ ଭାବ ରହିଛି ରହିବ
ଜନନୀ ସେ ଆମ ଯେଣୁ
ତେଣୁ ସର୍ବେ ଜାଗ ହାତେ ହାତ ଛନ୍ଦ
ଭେଦଭାବ ତେଜି ମନୁ ……
ଏକ ସ୍ବରେ ଗାଅ ଜୟ କଳିଙ୍ଗ
ଜୟ ପାଇକ ପୁଅ
ଜୟ ମାତୃଭାଷା ଜୟ ମାତୃଭୂମି
ଜୟ ଉତ୍କଳ ଜୟ . . . ୧୦

Santosh kumar Pattanayak

Spread the love
admin

View Comments

  • 'ଅନ୍ତରଙ୍ଗ କଳିଙ୍ଗ' ସବୁରି ଅନ୍ତରକୁ ଛୁଇଁ ଯାଉ
    ଅତୀତ ସ୍ମୃତି ସାଉଣ୍ଟି ସାଇତି
    ଆଲୋଡ଼ନ ଆଣିଦେଉ
    ସବୁ ହୃଦେ ଜାତି ପ୍ରୀତି ଭାବ ଭରିଦେଉ ॥

    ଧନ୍ୟବାଦ ସହ କୃତଜ୍ଞତା ଜ୍ଞାପନ କରୁଚି ଏଭଳି ଏକ ପ୍ରେରଣାର ଉତ୍ସ ପୃଷ୍ଠା ପାଇଁ।

Recent Posts

ଅନ୍ତରଙ୍ଗ କଳିଙ୍ଗ ପ୍ରତିଭା ସମ୍ମାନ

~ ଅନ୍ତରଙ୍ଗ କଳିଙ୍ଗ ପ୍ରତିଭା ସମ୍ମାନ (୬ଷ୍ଠ ପର୍ବ) ~ ଆପଣମାନଙ୍କ ସଦିଚ୍ଛା ସ୍ପର୍ଶରେ ସଙ୍ଘାତ ଓ ସଂଘର୍ଷର ଦିନଗୁଡ଼ିକ…

1 day ago

ଓଡ଼ିଆ ଅସ୍ମିତାର ମହାପର୍ବ

~ ଓଡ଼ିଆ ଅସ୍ମିତାର ମହାପର୍ବ ~ ୧୯୦୩ ମସିହା । ଡିସେମ୍ବର ମାସ ୩୦ ଓ ୩୧ ତାରିଖ ।…

1 day ago

ଅନ୍ତରଙ୍ଗ କଳିଙ୍ଗ ପ୍ରତିଭା ସମ୍ମାନ

~ ଅନ୍ତରଙ୍ଗ କଳିଙ୍ଗ ପ୍ରତିଭା ସମ୍ମାନ (ପଞ୍ଚମ) ~ ଆମ ମାଟିର ଅଗଣିତ ପ୍ରେରଣାପ୍ରଦ ମଣିଷଙ୍କୁ ପୂଜା କରିବାର ଧାରାରେ…

1 day ago

ଅନ୍ତରଙ୍ଗ କଳିଙ୍ଗ ପ୍ରତିଭା ସମ୍ମାନ

~ ଅନ୍ତରଙ୍ଗ କଳିଙ୍ଗ ପ୍ରତିଭା ସମ୍ମାନ (ଚତୁର୍ଥ-୨) ~ ଆମ ମାଟିର ଅଗଣିତ ପ୍ରେରଣାପ୍ରଦ ମଣିଷଙ୍କୁ ପୂଜା କରିବାର ଧାରାରେ…

2 days ago

ଅନ୍ତରଙ୍ଗ କଳିଙ୍ଗ ପ୍ରତିଭା ସମ୍ମାନ

~ ଅନ୍ତରଙ୍ଗ କଳିଙ୍ଗ ପ୍ରତିଭା ସମ୍ମାନ (ଚତୁର୍ଥ) ~ ଆମ ମାଟିର ଅଗଣିତ ପ୍ରେରଣାପ୍ରଦ ମଣିଷଙ୍କୁ ପୂଜା କରିବାର ଧାରାରେ…

2 days ago

ଅନ୍ତରଙ୍ଗ କଳିଙ୍ଗ ପ୍ରତିଭା ସମ୍ମାନ

~ ଅନ୍ତରଙ୍ଗ କଳିଙ୍ଗ ପ୍ରତିଭା ସମ୍ମାନ (ତୃତୀୟ) ~ ଆମ ମାଟିର ଅଗଣିତ ପ୍ରେରଣାପ୍ରଦ ମଣିଷଙ୍କୁ ପୂଜା କରିବାର ଧାରାରେ…

2 days ago