ସୌରଭିତ ସୃଷ୍ଟି: କାନ୍ତକବି ଲକ୍ଷ୍ମୀକାନ୍ତ ମହାପାତ୍ର
ବିଧାତାର ଅଭିସମ୍ପାତରେ ଦାରୁଣ ବ୍ୟାଧିଗ୍ରସ୍ତ କବିମଣିଷ ସିଏ! ତଥାପି ଓଡ଼ିଆ ଜାତୀୟ ସଙ୍ଗୀତର ପ୍ରାଣବନ୍ତ କବି। କାନ୍ତକୋମଳ ଲଳିତ ପଦାବଳୀରେ କବିତା ତାଙ୍କର ମଞ୍ଜୁଳ ଓ ହୃଦୟସ୍ପର୍ଶୀ। ସେ ‘ଜୀବନ ସଙ୍ଗୀତ‘ର କବି। ‘ବନ୍ଦେ ଉତ୍କଳ ଜନନୀ’ ଯୁଗ ଯୁଗକୁ ତାଙ୍କର କୀର୍ତ୍ତି। ସେ ଉତ୍କଳ ଖଣ୍ଡରେ ନମସ୍ୟ। ବ୍ୟଥିତ ପ୍ରାଣର କବିତା ‘ସବୁଥିରୁ ବଞ୍ଚିତ କରି’ ତାଙ୍କର ଅନ୍ତଃସ୍ଵର। ସେ କୋଟି କୋଟି ଓଡିଆଙ୍କ ନିକଟରେ ନମସ୍ୟ ‘କାନ୍ତକବି ଲକ୍ଷ୍ମୀକାନ୍ତ ମହାପାତ୍ର‘। କେତେ ମର୍ମସ୍ପର୍ଶୀ କବିତା ଛନ୍ଦ ହୋଇପାରେ !
~ ସବୁଥରୁ ବଞ୍ଚିତ କରି ~
ସବୁଥିରୁ ବଞ୍ଚିତ କରି କେଉଁ ଯଶବାନା ଉଡାଇବ ହେ ?
ଯାହା ଦେଇଥିଲ ସବୁତ ନେଲଣି, ଆଉ ଏବେ କିସ ଛଡାଇବ ହେ ।।
ସଂସାରେ ଯେ କରଇ ଆଶ, ଧାଏଁ ସିନା ସେ ତୁମ୍ଭ ପାଶ,
ସକଳ ଭରସା ଯାର ତୁଟିଲାଣି, କିସ ବୋଲି ତାକୁ ଡରାଇବ ହେ ।।
ଠକି ଠକି ଥରକୁ ଥର, ବୁଝିଲିଣି ତୁମ୍ଭ ଚାତର,
ମନେ ପାଞ୍ଚିଛ କି ହାଟ ମଝିଟାରେ, ଛିଡ଼ା କରି ବାଟ ହୁଡାଇବ ହେ ।।
ତୁମ୍ଭ ଫନ୍ଦା ଏଡିବି ବୋଲି, ସବୁ ଧନ୍ଦା ଦେଲିଣି ଠେଲି,
ଚାରି ଦଉଡି ଯେ କାଟି ସାରିଲାଣି, କେଉଁ ଫାନ୍ଦେ ତାକୁ ଜଡାଇବ ହେ ।।
ହାତ ଠାରି ଲୋଭ ଦେଖାଇ, ଡାକ ନାଟ ଦେଖିବା ପାଇଁ,
ସିହାଣ କରୁଛ ଆହୁରି ଥରେ କି, ନାକ ଘଷି କାନ ମୋଡାଇବ ହେ ।।
ଉପସ୍ଥାପନା: ଅନ୍ନପୂର୍ଣ୍ଣା ସାହୁ
~ ତ୍ରିଲୋଚନେଶ୍ୱର ମହାଦେବ ମନ୍ଦିର ~ ଲେଖା: ତ୍ରିଲୋଚନ ସ୍ୱାଇଁ ଅନନ୍ତ ଓ ଅସୁମାରୀ କୀର୍ତ୍ତିରାଜିରେ ଭରା ଆମ ଏ…
~ ରଘୁନାଥ ମଠ ~ ଲେଖା: ଶ୍ରୀକାନ୍ତ ସିଂହ ମହା ଐତିହ୍ୟକ୍ଷେତ୍ର କଟକ ସହରରେ ଯେଉଁ କେତୋଟି ପ୍ରାଚୀନ ମଠ…