ଲେଖା: ଦେଵ ତ୍ରିପାଠୀ
ସମ୍ବଲପୁରଠାରୁ ୨୮କି.ମି. ଦକ୍ଷିଣରେ ଚିରପ୍ରବାହମାନ ମହାନଦୀ କୂଳର ଐତିହାସିକ ହୁମା ଗ୍ରାମରେ ଘଟଣାପ୍ରବାହର ମୂକସାକ୍ଷୀ ଭାବେ ଦଣ୍ଡାୟମାନ ହୋଇରହିଛି ବିଶ୍ୱର ଏକମାତ୍ର ବକ୍ର ତଥା ଜିଲ୍ଲାର ଅନ୍ୟତମ ଅଷ୍ଟଶମ୍ଭୁ ବାବା ବିମଳେଶ୍ୱର ମହାଦେବଙ୍କ ମନ୍ଦିର I ୧୫ ମିଟର ଉଚ୍ଚତା ବିଶିଷ୍ଟ ଏହି ମନ୍ଦିରଟି ଉତ୍ତର ପଶ୍ଚିମ ଦିଗକୁ ୪୧.୬ଂ ଢଳିଯାଇଥିବା ଅନୁମାନ କରାଯାଏ I ୩ୟ ଅନଙ୍ଗ ଭୀମଦେବଙ୍କ ଦ୍ୱାରା ନିର୍ମିତ ଏହି ମନ୍ଦିରରେ “ବାଙ୍କୁଡା ମହାଦେବ” ନାମରେ ଭଗବାନଙ୍କର ପୂଜା କରାଯାଇଥାଏ ।
ବିଶ୍ୱର ଏକମାତ୍ର ବକ୍ର ମନ୍ଦିରର ବକ୍ର ହେବା କାରଣ ବାବଦରେ ଯଥେଷ୍ଟ ଗବେଷଣା ଅଭାବରୁ ବିଭିନ୍ନ ଶୁଣାକଥା ହିଁ ଅବଲମ୍ବନ I
୧. ହୁମାର ଏହି ବାଙ୍କୁଡ଼ା ବିମଳେଶ୍ୱର ଶିବମନ୍ଦିରର ନିର୍ମାଣ ଶେଷ ସମୟରେ ଦିନେ ଭୟଙ୍କର ଗର୍ଜନ ହେଲା ଓ ମନ୍ଦିରଟି ବକ୍ର ହୋଇଗଲା ବୋଲି ବହୁ ଲୋକଙ୍କର ମତ I
୨. ମହାନଦୀ ଜଳର ଆଘାତରେ ମଧ୍ୟ ମନ୍ଦିରଟି ଉତ୍ତର ପଶ୍ଚିମ ଦିଗକୁ ଢଳି ଯାଇଥିବା ଅନୁମାନ କରାଯାଏ I
୩. ମାଟିଦୋଷରୁ ମଧ୍ୟ ମନ୍ଦିର ବକ୍ର ହୋଇଥିବା ଅନୁମାନ କରାଯାଏ I ପରବର୍ତ୍ତୀ ସମୟରେ ମନ୍ଦିର ପରିସରରେ ନିର୍ମିତ ଜଗନ୍ନାଥ ମନ୍ଦିର, ଅରୁଣ ସ୍ତମ୍ବ, କପିଳେଶ୍ୱର ମନ୍ଦିର, ଭୈରବୀ ମନ୍ଦିର, ଭୁବନେଶ୍ୱର ମନ୍ଦିର ମଧ୍ୟ ନିର୍ମାଣ ପରେ ବିଭିନ୍ନ ଦିଗକୁ ବକ୍ର ହୋଇଛି I
ଏପରିକି, ୧୯୯୪ ମସିହାରେ ସ୍ଥାପିତ ହନୁମାନ ବିଗ୍ରହ ମଧ୍ୟ ସ୍ଥାପନା ପରେ ଉତ୍ତର-ପଶ୍ଚିମ ଦିଗକୁ ଢଳିଯାଇଛି I ମନ୍ଦିରର ମୁଖ୍ୟଦ୍ୱାର ଓ ବେଢାପାଚେରୀ ମଧ୍ୟ ବିଭିନ୍ନ ଦିଗକୁ ବକ୍ର ହୋଇ ରହିଛି I ଏହି ଅଞ୍ଚଳର ନିରୀହ ଲୋକଙ୍କର ଧାରଣା ରହିଛି ଯେ ସ୍ୱୟଂ ବିଶ୍ୱକର୍ମା ଏପରି ଭାବରେ ମନ୍ଦିରଟିକୁ ଗଢିଛନ୍ତି I
ଲେଖା: ଅମ୍ବିକା ପଟ୍ଟନାୟକ ∼ ଆଚାର୍ଯ୍ୟ ଶ୍ରୀଧର ସ୍ୱାମୀ : ଭାବାର୍ଥ ଦୀପିକା ବାଣୀ ∼ ମୂକଂ କରୋତି ବାଚାଳମ…
ଲେଖା: ଅମୃତେଶ ଖଟୁଆ ∼ କବି ଲେଖନୀରେ ଜାତି ଐରାବତ ∼ ଓଡ଼ିଆ ଜାତି ପାଇଁ ତାଙ୍କର ଅପରିମେୟ ଅବଦାନ…
ଲେଖା: ଅମର ପ୍ରସାଦ ଓ ଶ୍ରୀକାନ୍ତ ସିଂହ ~ ଉତ୍ତରେଶ୍ଵର ମହାଦେବ ମନ୍ଦିର ~ ଦିନ ଥିଲା, ବିରୂପା ତଟରେ…
କୁମ୍ଭେଶ୍ୱର ମହାଦେବ ମନ୍ଦିର ଉପସ୍ଥାପନା: ଅମର ପ୍ରସାଦ ଓ ଶ୍ରୀକାନ୍ତ ସିଂହ ଆଠଗଡ଼ର ଚିର ହରିତ ପ୍ରକୃତି, ଶାନ୍ତ-ସ୍ନିଗ୍ଧ ବାତାବରଣ…
ମାଣବସା ଗୁରୁବାର ଉପସ୍ଥାପନା: ଅମୃତେଶ ଖଟୁଆ ଲକ୍ଷ୍ମୀ ମାଆ ଦେଖିଲେ ଯାଇ ନଗରୀ-ପ୍ରାନ୍ତରେ ଚଣ୍ଡାଳର କୁଟୀରଟିଏ ଅତୁଳ ଛବି ଧରେ…