ସୌରଭିତ ସୃଷ୍ଟି: ଉତ୍କଳଭାରତୀ ଭାରତ କବିନେତ୍ରୀ ଡାକ୍ତର କୁନ୍ତଳା କୁମାରୀ ସାବତ
ଉତ୍କଳ ଜନନୀଙ୍କ ପାଦବନ୍ଦନା କରିବାରେ କେବେ ହେଳା କରିନାହାଁନ୍ତି ଉତ୍କଳୀୟ କବିବୃନ୍ଦ ! କବିସମ୍ରାଟଙ୍କ ଠାରୁ ଗଣକବିଙ୍କ ଯାଏଁ ଜନନୀଙ୍କ ଗାରିମା ଖାଇବାରେ ନିଜକୁ ଭାଗ୍ୟଶାଳୀ ମନେ କରିଛନ୍ତି ! ତେବେ ‘ଉତ୍କଳ ବନ୍ଦନା’ ଟିଏ ରଚିଛନ୍ତି ଆମର ଉତ୍କଳ ଭାରତୀ ଭାରତ କବିନେତ୍ରୀ ଡାକ୍ତର କୁନ୍ତଳା କୁମାରୀ ସାବତ !
** ଉତ୍କଳ ବନ୍ଦନା **
କୋଟିକୀର୍ତ୍ତି ମୁକ୍ତାମାଳିନୀ
କାନ୍ତିକମଳା କଳାକୁଶଳା ଶାନ୍ତିଶାଳିନୀ।
କୋଟି ସୁତ ସ୍ନେହଶୀଳା
କୋଟି ତୀର୍ଥ ସ୍ଵର୍ଗ ଲୀଳା
ରତ୍ନହାରା ଚିତ୍ରୋତ୍ପଳା
ସିନ୍ଧୁ ଧୌତ ପୁଣ୍ୟ ବେଳା
ନୀଳାଚଳ – ଚିଲିକା – ପ୍ଲାବିନୀ
ଶକ୍ତି, ମୁକ୍ତି , ଭକ୍ତି ଦାନେ ଭକ୍ତପାଳିନୀ।
ତାଳ – ତମାଳ – ତାଳୀନୀଳା
ଶତ ତଟିନୀ ପୂତ ସଲିଳା
କାବ୍ୟ କୁଞ୍ଜ – କଳକୋକିଳା
ପୂଜିତ ପାଦ, ଭଞ୍ଜ, ଶାରଳା
ଶୁଭଗୀତ – ସୁଧା – ସ୍ୟନ୍ଦିନୀ
ବିଶ୍ଵ ବନ୍ଦନ, ଚିତ୍ତମୋହନ, ନୟନାହ୍ଲାଦିନୀ।
ବିଶାଳଶୈଳ ବିପିନ ମାଳା
କେଦାର କାନ୍ତ ପକ୍ଵଶାଳା
କାନନ ଫୁଲ ପ୍ରସୂନାଞ୍ଜଳି
ପୂର୍ଣ୍ଣ ପକ୍ଷୀ କଳ କାକଳି
ରତ୍ନ ଜ୍ୟୋତି ଉଜ୍ଜଳାନନୀ
ଚୁଆ ଚନ୍ଦନ କର୍ପୁର ମୃଗମଦ ମୋହିନୀ।
ଅନଙ୍ଗ, ଯଯାତି, ଐର ଜନନୀ
ବୀର ରୁଧିର ସିକ୍ତ ଅବନୀ
ବିଦ୍ୟା ଧର୍ମ ମୋକ୍ଷ ମେଦିନୀ
ଶୁଦ୍ର ବ୍ରାହ୍ମଣେ ସାମ୍ୟ ବାଦିନୀ
ଜାତି ଭେଦ – ବନ୍ଧ ଭଞ୍ଜିନୀ
ନିଖିଳ ଭାରତ ଭକତ ଚରଣରେଣୁ ରଞ୍ଜିନୀ।
ଜୟ, ଜୟ, ବୀର ବରଣ୍ୟେ !
ଜୟ ଭକତ ଚିତ୍ତ – ଶରଣ୍ୟେ !
ଜୟ ଧନ୍ୟେ ! ଜୟ ପୁଣ୍ୟେ !
କୋଟି ସନ୍ତାନ ଅନ୍ନପୂର୍ଣ୍ଣେ !
ସର୍ବ ଶୁଭ ଶାନ୍ତି ଦାୟିନୀ
ଚିତ୍ତେ କାମନା କଳିତ ଲଳିତ ଚରଣମାଳିନୀ !
ଉପସ୍ଥାପନା: ବନ୍ଧନ ଦଳାଇ
ଗବେଷଣା ଓ ଉପସ୍ଥାପନା: ଡ. ବାୟାମନୁ ଚର୍ଚି ଘୁଡ଼ୁକି ଏକ ବାଦ୍ୟ । ପତର ସଉରା ଓ କେଳା ସମ୍ପ୍ରଦାୟର…
ଲେଖା: ନିରଞ୍ଜନ ସାହୁ ~ବାସୁଦେବ ସୁଢ଼ଳଦେବ ~ ଅନେକ ନୃପତି ଅଛନ୍ତି । କିଏ ଉତ୍ତରାଧିକାର ସୂତ୍ରରେ, କିଏ ବାହୁବଳରେ,…
ଲେଖା: ନିରଞ୍ଜନ ସାହୁ ~ ମହିମା ମେଳା ~ ଯାହା ମନେପଡ଼େ ଏମିତିରେ ପ୍ରାୟ ଅନେକ କିଛି ବର୍ଷ ତଳର…
ଲେଖା: ଡ. ଜୟଶ୍ରୀ ନନ୍ଦ ~ ମଣ୍ଡାପିଠା ~ ମଣ୍ଡା ପିଠା ଗୋଲ୍ ଗୋଲ୍, ଚାଲ ଯିବା ଚଣ୍ଡିଖୋଲ। ଲୋକଗୀତଟି…