~ ଚଉଠିରାତି ଥାଳି/ଥାଳିଆ ~
ଏ ପ୍ରକାର ଥାଳିକୁ ଥାଳିଆ ବା ଚଟିକି କୁହାଯାଇପାରେ । କାରଣ, ମୁହଁପରଷା ପାଇଁ ଏହା ପୂର୍ବେ ବ୍ୟବହାର ହେଉଥିଲା। ସାଧାରଣତଃ ଥାଳିଟିଏ ଆମ ଆଖିକୁ ଚନ୍ଦ୍ରମା ପରି ଗୋଲ ଦିଶେ, କିନ୍ତୁ ଚଉଠିରାତି ଥାଳି/ଥାଳିଆ ଅତୀବ ମନୋରମ, ଆଖି ଝଲସା ଓ ଏହାର ଗଢ଼ଣ ସାଧାରଣ ଥାଳିଠାରୁ ସ୍ୱତନ୍ତ୍ର ! ଏ ଥାଳି ଗୋଲାକାର ନହୋଇ ପାନପତ୍ର, ପଦ୍ମକଢ଼, ପଦ୍ମପତ୍ର, ପଳାଶପତ୍ର, ଗଙ୍ଗଶିଉଳି ଫୁଲ, ଚିଡ଼ିଆ, କଳାପାନ, ଠିକିରି, ପଣସପତ୍ର, ବରପତ୍ର ସଦୃଶ ଉତୁରିଥାଏ ! ଏହା ଅତି ନିବାଡ଼ ଶ୍ରେଣୀର ଥାଳିଆରେ ଗଣାଯାଏ। ଖାସ୍ କରି ଚଉଠିଘର ସଜରେ ଝିଅର ବାପଘରୁ ଏଭଳି କଂସାଥାଳି/ଥାଳିଆ ଦିଆଯିବାର ବିଧି ଥିଲା। ଥାଳିଆର ମଧ୍ୟଭାଗରେ ସଦାବିହାରୀ ଫୁଲ (ପାଞ୍ଚପାଖୁଡ଼ା ବିଶିଷ୍ଟ)ର ଗହୀର ନକ୍ସା ଫୁଟା ଯାଉଥିଲା।